在《愛回家之開心速遞》中飾演George而為人熟悉的張明偉下月約滿TVB,據知他將全心全意投入樂隊Charming Way的發展工作,與樂迷用音樂溝通。張明偉近日勤力拍片放上YouTube Channel,跟粉絲們分享日常,在片中高EQ回應網上對他的負評,非常勇敢。
同場加映:丘梓謙演蔥頭圓韓團夢無懼負評 與麥皓兒姊弟戀8年話題不斷
Stephen.傾丨張明偉指與無綫新管理層有代溝 「後生仔都唔係睇呢啲嘢!」【下一頁】
某網友留言指沒有《愛回家》,根本沒有人認識George,張明偉回應說:「唔能夠唔認同,《愛回家》畀咗我好多曝光率,亦畀咗其他人好多曝光率,大家都好畀心機做。做人一定要飲水思源,所以當有機會上節目或者訪問,都會多謝監製林建祥同《愛回家》上上下下。」他指《愛回家》「盤古初開」時,焦點放在熊家、龍家的人物中,「我呢啲佐治、威龍潘金蓮(梁茵飾)、豹叔(黎彼得飾)、群姐(許思敏飾)、Rebecca(沈可欣飾)呢啲都係閒角嚟,點解去年會發生咗呢單咁嘅嘢?覺得《愛回家》劇情開始為做而做,好多都係不斷重複方程式,亦會見到好多有亮點嘅角色『被消失』,(畫面上出現梁茵、陳偉琪和鍾凱琪)對劇情都唔係一件好事,做落去仲有冇意思呢?靈魂消失咗,雖然呢啲角色,觀眾好熟,如果我問你,記得佢哋真名嗎?可能大家都要諗!角色入屋未必係演員入屋,所以試吓搵新路向。」
張明偉主動向TVB獻計,希望可以集齊「消失」角色,一齊客串一集。「講真而家一個星期七日,年中無休一定會『滑牙』,其實都冇咁多橋段寫啦,再有才華、再有橋都冇辦法唔跟方程式去,不如停一停,開套新嘅或者大洗牌。我有條橋獻畀TVB,不如請番我......嗱,我唔係Sell自己,我其實未完約,亦唔好意思白逗人工。呢段時間冇搵我拍嘢啦!但我好願意,就算冇對白,我都樂意去做。我建議不如湊埋班完咗約嘅人,特約客串幾個角色,完全冇難度,相信呢集收視會好好添!我完全認同飲水思源係重要,不過如果不思進取,對自己或對公司都唔係一件好事!」
PET PET星丨張明偉愛犬畢仔離世頓感空虛 一見鍾情領養全黑狗女JoJo【下一頁】
對於被網友形容為「二打六」,「消費」舊東家,張明偉自嘲「二打六」都不如,只是棄卒一名,何來有資格「消費」TVB?他說:「希望大家有建議性啲,就算棄卒,定係二打六,低層都會面對一啲問題而高層可能唔知道嘅,冇人出聲、冇人聆聽聲音去改善,高層只會對正唔到下藥,就做唔好件事。做得好就唔使聽我哋講嘢添啦!香港都一樣,就唔使搞成咁啦!點解?就係高層嗰班唔知下面班人諗緊咩、下面班人面對緊啲咩囉,正正係香港問題!希望大家批評盡量正面,咁先有進步,如果你覺得我唔好,你唔使睇我,呢個係你選擇!」
張明偉最後表示自己樂意向TVB給予意見,「如果志偉哥(曾志偉)得閒,隨時打電話畀我,我等緊你電話,至於其他女高層就唔好喇,嗰啲好難溝通!」
U Lifestyle App自家節目登錄《U TV》專區!
↓↓試玩、試食、試用影片任您睇↓↓
【立即體驗】
責任編輯:楊安莉